२३ साउन २०७९ , सोमवार

काठमाडौंका १४ खोप केन्द्रबाट बालबालिकालाई कोरोना विरुद्धको बुस्टर डोज दिइँदै

हेल्थ टिभी अनलाइन \काठमाडौं : काठमाडौंमा १४ खोप केन्द्रबाट १२ वर्षदेखि १८ वर्षसम्मका बालबालिकालाई कोरोना विरुद्धको बुस्टर डोज दिन लागिएको छ ।

महानगरपालिकाको २९ नम्बर वडाले १२ देखि १८ वर्षसम्मका बालबालिकालाई आजदेखि कोरोना विरुद्धको बुस्टर डोज दिन थालेको हो । त्यसका लागि १४ वटा खोप केन्द्र तोकिएको छ ।

बुस्टर डोज दिने अभियान आगामी ३० साउनसम्म चल्ने बताइएको छ । यसअघि दुई मात्रा खोप लगाइसकेका र तीन महिना पुगेका बालबालिकाले यो बुस्टर डोज खाेप लगाउन सक्नेछन्।

पछिल्लो समय देशभर कोरोना संक्रमण दर बढ्न थालेपछि खोप अभियानलाई पनि निरन्तरता दिन थालिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।