२३ साउन २०७९ , सोमवार

४८ जना कोरोना संक्रमित आइसीयू र भेन्टिलेटरमा

हेल्थ टिभी अनलाइन \काठमाडौं : हाल देशभर ४८ जना सिकिस्त कोरोना संक्रमितको आइसीयू र भेन्टिलेटरमा उपचार भइरहेको छ ।

नेपालमा कोरोना संक्रमण दर बढेसँगै सिकिस्त हुने र आइसीयू र भेन्टिलेटर चाहिने संक्रमितको संख्यामा पनि वृद्धि भएको स्वास्थ्य मन्त्रालयले जनाएको छ । मन्त्रालयले आइतबार जारी गरेको विवरण अनुसार अहिले सक्रिय ५ हजार ६५९ संक्रमितमध्ये ४५ जनाको आइसीयूमा र ३ जनाको भेन्टिलेटरमा उपचार भइरहेको छ ।

यसैगरी १५२ जना संस्थागत आइसोलेसनमा छन्। नेपालमा कोरोना संक्रमणबाट निको हुने दर ९८ दशमलब २ प्रतिशत रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।