१२ साउन २०७९ , बिहिबार

काठमाडौंको फोहोर आजदेखि उठाउन सुरु गरिने

हेल्थ टिभी अनलाइन \काठमाडौं : काठमाडौं महानगरपालिकाले एक सातादेखि नउठाएको फोहोर आजदेखि उठाउन सुरु गर्ने जनाएको छ ।

बुधबार महानगरपालिकाले सूचना जारी गरेर आजदेखि फोहोर उठाउन सुरु गर्ने जानकारी दिएको हो ।

काठमाडौंबाट जाने फोहोर विसर्जनस्थल सिसडाेल बञ्चरेडाँडासम्म जाने सडक निर्माणको काम भइरहेकाले महानगरपालिकाले एक सातासम्म फोहोर संकलन र ढुवानी रोकेको थियो । त्यतिन्जेलसम्म कुहिने र नकुहिने फोहोर छुट्टाएर घरमै राख्न महानगरपालिकाले सर्वसाधारणलाई अनुरोध समेत गरेको थियो ।

अब भने सो बाटो बनाउने काम सकिएकाले फोहोर उठाउन लागिएको पनि महानगरले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।