हेल्थ टिभी अनलाइन \काठमाडौं : काभ्रेको धुलिखेलमा २५ बेडको पतञ्जली आयुर्वेद अस्पतालको सुरुवात भएको छ । धुलिखेल ३ काभ्रेपलान्चोकमा पतञ्जली आयुर्वेद मेडिकल कलेज धुलिखेलको आफ्नै सुविधा सम्पन्न ४ तले भवनमा २५ बेडको पतञ्जली आयुर्वेद अस्पतालको शुभारम्म भएको हो ।

आयुर्वेद शिक्षा र स्वास्थ्य क्षेत्रमा ठुलो योगदान पुराउन सफल पतञ्जली आयुर्वेद मेडिकल कलेजद्धारा विशेषज्ञ सेवा सहितको आफ्नै २५ बेडको अस्पताल उपलब्ध अन्तरंग र बहिरंग सेवाहरुमा सबै विशेषज्ञ डाक्टरहरूको परामर्श सँगसँगै पञ्चकर्म सहित ल्याव टेष्ट ,भिडियो एक्सरे , एक्सरे , डेन्टल सेवा र परामर्श साथै हरेक दिन नि शुल्क योग सेवा पनि संञ्चालनमा रहने छ । हाल २५ बेडबाट संञ्चालनमा आएको यस अस्पतालमा निकट भविष्यमा १०० बेडसम्म विस्तार गर्ने योजनाको साथमा काम भईरहेको जनाइएको छ ।

पतञ्जली आयुर्वेद मेडिकल कलेजमा अध्ययनरत छात्र समन सिंह बस्नेतका अनुसार हाल कलेजमा १२० भन्दा बढी विद्यार्थीहरु आयुर्वेद चिकित्साका बिषयमा अध्ययन गरिरहेका छन्।