हेल्थ टिभी अनलाइन \काठमाडौं : नेपालमा कोरोना संक्रमण दर १२ प्रतिशत पुगेको छ । गत सातासम्म १० प्रतिशत रहेको संक्रमण दर यो साता बढ्न गएको हो । स्वास्थ्य तथा जनसंख्या मन्त्रालयका अनुसार गत २४ घण्टामा गरिएका नुमना परीक्षणमध्ये १२ प्रतिशतमा कोरोना संक्रमण पुष्टि भएको हो ।

पछिल्लो २४ घण्टामा ४ हजार ४५४ जनाको नमुना परीक्षण गरिएको थियो । यीमध्ये ५६४ जनामा कोरोना पुष्टि भएको हो । यसैगरी आज एक जना कोरोना संक्रमितको मृत्यु भएको छ । योसँगै देशमा कोरोना संक्रमणबाट ज्यान गुमाउनेको संख्या ११ हजार ९६० पुगेको छ ।

उता कोरोना संक्रमण दर बढेसँगै सिकिस्त भएर अस्पताल भर्ना हुने संक्रमितको संख्या पनि बढिरहेको छ । हाल सक्रिय संक्रमितमध्ये १३५ जना संस्थागत आइसोलेसनमा रहेको मन्त्रालयले जनाएको छ । यीमध्ये ३२ जनाको आइसीयूमा र २ जनाको भेन्टिलेटरमा उपचार भइरहेको छ ।

देशभर सक्रिय संक्रमितको संख्या ३ हजार ९२९ पुगेको छ ।