३ साउन २०७९ , मङ्लबार

एकैदिन ३५७ जना संक्रमित थपिए, सक्रिय संक्रमितको संख्या झण्डै २ हजार पुग्यो

हेल्थ टिभी अनलाइन\ काठमाडौं : देशभर पछिल्लो २४ घण्टामा ३५७ जनामा कोरोना संक्रमण पुष्टि भएको छ।

स्वास्थ्य तथा जनसंख्याले गरेको ३ हजार ३२८ जनाको परीक्षणमध्ये ३५७ जनामा संक्रमण पुष्टि भएको हो। यसै गरी पछिल्लो २४ घण्टामा ३६ हजार ३४८ जनाले कोरोना विरुद्धको खोप लगाएका छन्। यसैगरी ६२ जना संक्रमित संक्रमण मुक्त भएका छन्।

योसँगै देशभर सक्रिय संक्रमितको संख्या १ हजार ९८२ पुगेको छ । हालसम्म देशभर ११ हजार ९५४ जनाको कोरोना संक्रमणबाट ज्यान गएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।