२१ असार २०७९ , मङ्लबार

डा संगीता मिश्रा १२ औं तहमा बढुवा

हेल्थ टिभी अनलाइन\ काठमाडौं : सरकारले डा संगिता मिश्रालाई स्वास्थ्य सेवा तर्फ प्रमुख विशेषज्ञ पद १२ औं तहमा बढुवा गर्ने निर्णय गरेको छ । मंगलबार बसेको मन्त्रीपरिषदको बैठकले डा मिश्रालाई १२ औं तहमा बढुवा गर्ने निर्णय गरेको हो ।

यसअघि बसेको बढुवा समितिको बैठकले स्वास्थ्यको १२ औं तहको रिक्त एक पदमा बढुवाका लागि दुई जनाको नाम सिफारिस गरेको थियो । समितिले डा टंकप्रसाद बराकोटी र डा मिश्राको नाम पठाएको थियो । यी मध्ये मिश्राको बढुवा गरिएको हो ।

मिश्रा अहिले स्वास्थ्य तथा जनसंख्या मन्त्रालयमा प्रवक्ताका रुपमा कार्यरत छिन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।