हेल्थ टिभी अनलाइन \काठमाडौं : काठमाडौं उपत्यकामा थप २ जनामा हैजा पुष्टि भएको छ । योसँगै उपत्यकामा हैजाका बिरामीको संख्या १९ पुगेको छ ।

इपिडिमियोलोजी तथा रोग नियन्त्रण महाशाखाका अनुसार काठमाडौंका थप दुई जनामा हैजा पुष्टि भएको हो । मंगलबार काठमाडौं कागेश्वरीका दुई जना बच्चामा हैजा पुष्टि भएको हाे ।  हैजा फैलने क्रम बढ्दो देखिएकाले सबैले पिउने पानी र खानेकुरामा ध्यान दिन महाशाखाले सबैलाई आग्रह गरेको छ ।

दिसा मिसिएको पानी पिउँदा हैजा लाग्ने हुन्छ । काठमाडौंमा विभिन्न स्थानमा पानीको नमुना परीक्षण गर्दा उक्त पानीमा हैजा गराउने जिवाणु भेटिएको थियो । वर्षातको समयमा पानी फोहोर हुने हुँदा यो बेला बढी मात्रामा हैजाका बिरामी देखिने गर्छन ।