हेल्थ टिभी अनलाइन \काठमाडौं : आयुर्वेद तथा वैकल्पिक चिकित्सा विभागले पाँचौ राष्ट्रिय प्राकृतिक चिकित्सा दिवस मनाएको छ। विभागले आज टेकुमा एक कार्यक्रम गरी पाँचौ राष्ट्रिय प्राकृतिक चिकित्सा दिवस मनाएको हो।

कार्यक्रममा योग तथा प्राकृतिक चिकित्सा संघका अध्यक्ष जनक बहादुर बस्नेतले प्राकृतिक चिकित्सा नसर्ने रोगका लागि निकै फलदायी र महत्वपूर्ण औषधि विहीन चिकित्सा पद्दति भएको बताए। उनले पछिल्लो समय सबैको टाउको दुखाई बनेको नसर्ने रोगको नियन्त्रणमा प्राकृतिक चिकित्साको ठूलो भूमिका हुने जिकीर गरे ।

उनले प्राकृतिक चिकित्सामा दरबन्दी सिर्जना गरेर यसलाई अझै व्यवस्थित बनाउँदै लानुपर्ने समेत जनाए । कार्यक्रममा आयुर्वेद तथा प्राकृतिक चिकित्सकहरुको उपस्थिती थियो । उनीहरुले अहिलेको समयमा प्राकृतिक चिकित्साको महत्वकाबारेमा धारणा राखेका थिए ।