१९ असार २०७९ , आइतवार

बालबालिकाका लागि २३ लाख डोज फाइजर खोप काठमाडौं आइपुग्यो

हेल्थ टिभी अनलाइन \काठमाडौं : ५ देखि ११ वर्षसम्मका बालबालिकाका लागि कोभिड विरुद्धको थप २३ लाख डोज फाइजर पेडियाट्रिक खोप काठमाडौं आइपुगेको छ।

कोभ्याक्स सुविधामार्फत २२ लाख ९९ हजार २ सय मात्रा फाइजरको पेडियाट्रिक खोप आइतबार काठमाडौं आइपुगेको हो । अहिले खोप सञ्चालन भइरहेका २७ जिल्लाका बालबालिकाका लागि यो खोप आइपुगेको हो । सरकारले यही असार ९ गतेदेखि ५ देखि ११ वर्षसम्मका बालबालिकालाई पहिलोपटक कोरोना विरुद्धको खोप दिन सुरु गरेको हो ।

पहिलो चरणमा २७ जिल्ला र दोस्रो चरणमा ५० जिल्लामा भदौ ५ देखि खोप अभियान सञ्चालन गर्ने लक्ष्य सरकारले लिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।