हेल्थ टिभी अनलाइन \काठमाडौं : देशभर पछिल्लो २४ घण्टामा ६२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा १ हजार ६२० जनाको नमुना परीक्षण गर्दा ६२ जनामा कोरोना पुष्टि भएको हो ।

योसँगै देशभर फेरि एकपटक सक्रिय संक्रमितको संख्या बढेर २६१ पुगेको छ । यसैगरी आज १९ जना कोरोना संक्रमित संक्रमणमुक्त भएको मन्त्रालयले जनाएको छ । मन्त्रालयका अनुसार गत २४ घण्टामा १ लाख ८४ हजार ५४५ जनाले कोरोना विरुद्धको खोप लगाएका छन्।

कुल सक्रिय संक्रमितमध्ये काठमाडौं उपत्यकामा मात्रै १६१ जना रहेका छन्।