१५ असार २०७९ , बुधबार

भारतमा एकैदिन १४ हजार भन्दा बढी कोरोना संक्रमित थपिए, ३० जनाको मृत्यु

हेल्थ टिभी अनलाइन \काठमाडौं : भारतमा पछिल्लो २४ घण्टामा १४ हजारभन्दा बढी कोरोना संक्रमित थपिएका छन्। भारतीय स्वास्थ्य मन्त्रालयका अनुसार त्यहाँ केही दिन यता संक्रमितको संख्या तीब्र गतिमा बढ्न थालेको छ । यही क्रममा गत २४ घण्टामा १४ हजार ५६ जना संक्रमित थपिएका हुन्।

यसैगरी पछिल्लो २४ घण्टामा भारतमा ३० जना संक्रमितको ज्यान गएको बताइएको छ । सक्रिय संक्रमितको संख्या अहिले एक लाख नजिक पुग्न लागेको बताइएको छ ।

पछिल्लो तथ्यांक अनुसार भारतमा अहिले ९९ हजार ६०२ जना सक्रिय संक्रमित होम तथा संस्थागत आइसोलेसनमा रहेका छन्। भारतमा संक्रमित बढ्दा ओपन बाेर्डरका कारण नेपालमा पनि संक्रमणको जोखिम बढ्ने गर्छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।