८ असार २०७९ , बुधबार

पछिल्लो २४ घण्टामा ३१ जना संक्रमित थपिए, देशभर सक्रिय संक्रमितको संख्या १४२

हेल्थ टिभी अनलाइन \काठमाडौं : पछिल्लो २४ घण्टामा देशभर ३१ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा २ हजार ४२५ जनाको नमुना परीक्षण गरिएकोमा ३१ जनामा कोरोना पुष्टि भएको हो । यसैगरी आज १० जना कोरोना संक्रमित संक्रमणमुक्त भएका छन्।

देशभर अहिले १४२ जना सक्रिय संक्रमित रहेको मन्त्रालयले जनाएको छ । सक्रिय संक्रमितमध्ये १ जनाको आइसीयूमा उपचार भइरहेको छ भने ३ जना संस्थागत आइसोलेसनमा छन्। बाँकी संक्रमित होम आइसोलेसनमा रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।