हेल्थ टिभी अनलाइन \काठमाडौं : देशभर पछिल्लो २४ घण्टामा २५ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ३ हजार ९०५ जनाको नमुना परीक्षण गरिएकोमा २५ जनामा कोरोना पुष्टि भएको हो । यसैगरी आज १५ जना कोरोना संक्रमित संक्रमणमुक्त भएका छन्। योसँगै देशमा सक्रिय कोरोना संक्रमितको संख्या ९७ पुगेको छ ।

काठमाडौं उपत्यकामा आज १० जना संक्रमित थपिएका छन्। सक्रिय संक्रमितमध्ये एक जना संस्थागत आइसोलेसनमा रहेका छन् भने बाँकी सबै होम आइसोलेसनमा रहेका छन्।