२८ जेष्ठ २०७९ , शनिबार

ह्याम्स अस्पतालमा रक्तदान कार्यक्रम सम्पन्न

हेल्थ टिभी अनलाइन \काठमाडौं :काठमाडौंको धुम्बाराहीमा अवस्थित ह्याम्स अस्पतालमा एक दिने रक्तदान कार्यक्रम सम्पन्न भएको छ ।

अस्पतालले आफनो २५ औं वार्षिकोत्सवको अवसर पारेर वर्षभरी नै विभिन्न कार्यक्रम तय गरेको छ भने त्यही अन्तर्गत शुक्रबार अस्पतालमा रक्तदान कार्यक्रम सम्पन्न भएको हो ।

रक्तदान कार्यक्रममा अस्पतालका अध्यक्ष आर एस भण्डारी लगायत, चिकित्सक, स्वास्थ्यकर्मी तथा कर्मचारीहरुले रक्तदान गरेका थिए ।

अस्पतालले वार्षिकोत्सवको अवसरमा हरेक शनिबार विशेषज्ञ चिकित्सकसहितको नि:शुल्क ओपीडी सञ्चालन गर्दै आएको छ भने अन्य समयमा विभिन्न जाँच तथा चिकित्सकको ओपीडी शुल्क पनि कम गरेको जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।