२४ जेष्ठ २०७९ , मङ्लबार

काठमाडौंको फोहोर आजबाट उठाइने

हेल्थ टिभी अनलाइन \काठमाडौं : काठमाडौंमा लामो समयदेखि थुप्रिएको फोहोर आजदेखि उठाइने भएको छ । सरकार र फोहोर फाल्ने क्षेत्रका बासिन्दाबीचको सहमति भएपछि आजदेखि फोहोर उठाइने भएको हो ।

शहरी विकास मन्त्रालय, काठमाडौं महानगरपालिका र स्थानीय बासिन्दाबीच सोमबार सहमति भएपछि काठमाडौंको फोहोर व्यवस्थापन हुन लागेको हो ।

सिसडोल र बञ्चरेडाँडामा फोहोर फाल्न नदिएपछि काठमाडौंको फोहोर उठ्न सकेको थिएन । उनीहरुबीच सर्तसहित सहमति भएपछि अब भने फोहोरको व्यवस्थापन हुन लागेको हो । वर्षायाम सुरु हुन लागेकाले पनि धेरै दिन फोहोर बाटोमा रहँदा हैजा, झाडापखाला लगायतका रोग फैलिनसक्ने भन्दै चिकित्सकहरुले फोहोरको व्यवस्थापन छिटै गर्नुपर्ने बताउँदै आएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।