भारतमा फेरि बढ्न थाल्यो कोरोना संक्रमण, एकैदिन झण्डै ४ हजार संक्रमित थपिए
हेल्थ टिभी अनलाइन \काठमाडौं : भारतमा फेरि एकपटक कोरोना संक्रमण बढ्न थालेको छ । भारतीय स्वास्थ्य मन्त्रालयका अनुसार पछिल्लो २४ घण्टामा त्यहाँ झण्डै ४ हजार नयाँ कोरोना संक्रमित थपिएका छन्। यसैगरी अघिल्लो दिन पनि ४ हजार ४१ नयाँ संक्रमित थपिएका थिए । संक्रमितमध्ये आधाभन्दा बढी केरलाका रहेको बताइएको छ ।
भारतमा केरलासहित महाराष्ट्र, तमिलनाडु, तेलगंना र कर्नाटकमा धेरै संक्रमित देखिएका छन्। संक्रमण बढ्न थालेपछि यी राज्यहरुमा जनस्वास्थ्यका मापदण्ड पालनामा कडाई गरिएको छ । केही महिना यता भारतमा कोरोना संक्रमणमा धेरै कमी आएको थियो । तर केही दिन यता फेरि संक्रमण बढ्ने गतिमा देखिएको भन्दै विज्ञहरुले चिन्ता व्यक्त गरेका छन्।
भारतमा हालसम्म ५ लाख २४ हजार ६७७ जनाको कोरोना संक्रमणबाट मृत्यु भइसकेको छ ।
व्यवहारिक मनोविज्ञान सम्बन्धी अन्तराष्ट्रिय सम्मेलन गर्दै नेशनल कलेज
वरिष्ठ प्याथोलोजिस्ट डा सुजन शर्मा स्पेनको बायोसिस्टम्समा प्राविधिक सल्लाहकार नियुक्त
चौंथो सुदीप्ता क्यान्सर सर्भाइभर र्याम्प शो हुँदै
स्वास्थ्य बीमा बोर्डको अध्यक्षमा डा सुवास प्याकुरेल नियुक्त
ह्याम्स अस्पताल र म्याक्स सुपर स्पेशालिटी अस्पतालबीच रणनीतिक सहकार्य