हेल्थ टिभी अनलाइन \काठमाडौं : ललितपुरको हरिसिद्धीमा रहेको नेपाल क्यान्सर अस्पताल तथा रिसर्च सेन्टरले आफनो वार्षिकोत्सवको अवसर पारेर रक्तदान कार्यक्रमको आयोजना गरेको छ ।

पाँचौं वार्षिकोत्सवको अवसरमा विभिन्न कार्यक्रमहरु गर्दै आएको अस्पतालले मंगलबार अस्पताल परिसरमा रक्तदान कार्यक्रमको समेत आयोजना गरेको हो । जसमा अस्पतालका चिकित्सक, कर्मचारी लगायतले रक्तदान गरेका थिए ।

रक्तदान कार्यक्रममा नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यको पनि उपस्थिति रहेको थियो ।

कार्यक्रममा रक्तदान गर्नेहरुलाई प्रशंसापत्र दिएर सम्मान गरिएको थियो ।