१८ जेष्ठ २०७९ , बुधबार

नेपालमा सक्रिय कोरोना संक्रमितको संख्या एक सयभन्दा कम

हेल्थ टिभी अनलाइन \काठमाडौं : नेपालमा सक्रिय कोरोना संक्रमितको संख्या एक सय भन्दा कममा झरेको छ ।

स्वास्थ्य तथा जनसंख्या मन्त्रालयको मंगलबारसम्मको तथ्यांक अनुसार अहिले देशभर जम्मा ९७ जना मात्र सक्रिय संक्रमित रहेका छन्। उनीहरुमध्ये सबै जना होम आइसोलेसनमा रहेको र अस्पतालमा भर्ना संक्रमितको संख्या शुन्य रहेको मन्त्रालयले जनाएको छ ।

यसैगरी हाल देशभरका क्वारेन्टाइन पनि खाली भएका छन्। अहिले काठमाडौंमा १९ जना सक्रिय कोरोना संक्रमित रहेका छन्। यसैगरी भक्तपुरमा २ र ललितपुरमा एक जना रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।