हेल्थ टिभी अनलाइन \काठमाडौं : अब देशभर जम्मा ११४ जना मात्र सक्रिय कोरोना संक्रमित रहेका छन्।

नेपालमा पछिल्लो समय कोरोना संक्रमण दर घट्दै गएपछि शनिबारसम्मको स्वास्थ्य तथा जनसंख्या मन्त्रालयको तथ्यांक अनुसार ११४ जना मात्र सक्रिय संक्रमित रहेको पाइएको हो । यी सबै सक्रिय संक्रमित होम आइसोलेसनमा रहेका छन्। अस्पताल भर्ना हुने दर शुन्यमा झरेको पनि मन्त्रालयले जनाएको छ । हालसम्म नेपालमा कोरोना संक्रमणबाट ११ हजार ९५२ जनाको मृत्यु भएको छ भने ९ लाख ६७ हजार ५२ जना निको भएका छन्।

देशभर कुल जनसंख्याको ७६ दशमलब ७ प्रतिशतले कोरोना विरुद्धको पहिलो मात्रा खोप र ६७ दशमलब ९ प्रतिशतले दुबै मात्रा खोप लगाइसकेको मन्त्रालयले जारी गरेको तथ्यांकमा उल्लेख छ । उता ३२ वटा जिल्ला कोरोना शुन्य भएका छन्।