६ जेष्ठ २०७९ , शुक्रबार

काठमाडौंमा २९ जना सक्रिय संक्रमित, भक्तपुर बन्याे काेरोना संक्रमण शुन्य जिल्ला

हेल्थ टिभी अनलाइन \काठमाडौं : काठमाडौं उपत्यकामध्ये काठमाडौंमा २९ जना सक्रिय कोरोना संक्रमित रहँदा भक्तपुर जिल्ला भने कोरोना संक्रमण शुन्य बनेको छ । यसैगरी ललितपुरमा १४ जना संक्रमित रहेको स्वास्थ्य तथा जनसंख्या मन्त्रालयले जनाएको छ ।

देशभर रहेका १५० जना सक्रिय संक्रमितमध्ये सबै जना होम आइसोलेसनमा रहेको बताइएको छ । केही महिनायता नेपालमा संक्रमण दर घट्दै गएर अब संक्रमण एक प्रतिशतभन्दा कममा झरेको छ । हाल ३३ वटा जिल्लामा एक जना पनि संक्रमित छैनन्। यी जिल्लाहरुलाई कोरोना संक्रमण शुन्य जिल्ला घोषणा गरिएको छ । भएका सक्रिय संक्रमित पनि सबै सामान्य अवस्थामा रहेको र गम्भीर लक्षण नदेखिएको मन्त्रालयले जनाएको छ ।

नेपालमा कोरोना संक्रमणबाट हालसम्म ११ हजार ९५२ जनाको मृत्यु भएको छ भने ९ लाख ६६ हजार ९३८ जना संक्रमणमुक्त भइसकेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।