४ जेष्ठ २०७९ , बुधबार

२४ घण्टामा ६ जना संक्रमित थपिए

हेल्थ टिभी अनलाइन \काठमाडौं: देशभर थप ६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा जम्मा ६ जना मात्र संक्रमित थपिएका छन् भने ८ जना संक्रमणमुक्त भएका छन्।

गत २४ घण्टामा कोरोना संक्रमणबाट हुने मृत्यु शुन्य रहेको छ । अहिले देशभर जम्मा १४७ जना मात्र सक्रिय संक्रमित रहेका छन्। सबै हाेम आइसोलेसनमा रहेकाे मन्त्रालयले जनाएको छ ।

मन्त्रालयका अनुसार हालसम्म देशभर ११ लाख १९ हजार २३७ जनामा कोरोना संक्रमण पुष्टि भएको छ भने ११ हजार ९५२ जनाको मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।