बालबालिकाको उपचारमा अब्बल ईशान बाल अस्पतालले अझै विशिष्टीकृत सेवाहरु विस्तार गर्दै
हेल्थ टिभी अनलाइन \काठमाडौं : बालबालिकाको रोगको उपचारमा अब्बल अस्पतालका रुपमा परिचित ईशान बाल तथा महिला अस्पतालले अझ विशिष्टीकृत सेवाहरु विस्तार गर्दै लाने भएको छ । अस्पतालले काठमाडौंको बसुन्धारामा आफनै ८ तले अत्याधुनिक भवनबाट सेवा सुरु गर्दै अझ सेवाहरु बढाउँदै लाने जनाएको हो ।
अस्पतालले मंगलबार पत्रकार सम्मेलन गर्दै २७ वर्षपछि अस्पताल आफनै भवनमा सर्न सफल भएको र योसँगै सेवा विस्तार गर्न पनि सजिलो हुने जनाएको हो । अस्पतालका निर्देशक प्राडा आरपी चौधरीले २७ वर्षअघि नेपालकै पहिलो नीजि क्षेत्रको बाल अस्पतालको रुपमा ईशान बाल नर्सिङ होमबाट सुरु भएको अस्पतालले योवीचमा लाखौं बालबालिकाको सेवा गर्न सफल भएको बताए । डा चौधरीले नयाँ भवनबाट अस्पतालका सम्पूर्ण सेवाहरु सुरु गरिसकेको जानकारी गराउँदै अब भने बाल रोगका क्षेत्रमा विशिष्टीकृत सेवा लिन अन्य मुलुक जान नपर्ने गरी अन्तराष्ट्रिय स्तरको सेवा दिने बताए ।
नयाँ बनेको अस्पतालको भवनलाई बालबालिका फ्रेन्डली बनाएको र उनीहरुका लागि अस्पताल नभई घर जस्तै वातावरण हुने समेत डा चौधरीले जिकीर गरे । अस्पतालले जटिल भन्दा जटिल बाल शल्यक्रियाहरु गरिरहेको र त्यसका लागि अहिले भारतबाट समेत बिरामीहरु आउने गरेको डा चौधरीले बताए । उनले भने, ‘नेपालमा कुनै पनि बाल उपचारका लागि विदेश गइरहन पर्दैन यहीं त्यो पनि ईशान बाल अस्पतालमै सबै उपचार सम्भव छ ।’ उनले ईशान अस्पताललाई ‘बुटिक’ अस्पतालका रुपमा अघि बढाउने आफू र आफनो टिमको लक्ष्य रहेको समेत जिकीर गरे ।
कार्यक्रममा वरिष्ठ बाल रोग विशेषज्ञ डा ज्योतिरत्न धाख्वाले अब देखि आफूहरुले बालबालिकाको उपचार मात्र नभएर योसँग सम्बन्धित अध्ययन -अनुसन्धान पनि गर्ने बताए । उनले बाल चिकित्सामा फेलोसिप, तालिम तथा छलफल र एकेडेमिक कार्यक्रम पनि सँगसँगै लिएर जाने र ईशानलाई ‘सेन्टर फर एक्सीलेन्स’ बनाउने योजना रहेको जनाए ।
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन