हेल्थ टिभी अनलाइन \काठमाडौं : विश्व रेटिनोब्लास्टोमा सचेतना सप्ताह २०२२ को सन्दर्भमा सोमबार एक छलफल कार्यक्रम सम्पन्न भएको छ ।

तिलगंगा आँखा प्रतिष्ठान, ओपन आइज नेपाल, नेपाल पेडियाट्रिक सोसाइटी तथा नेपाल अप्थाल्मिक सोसाइटीको संयुक्त आयोजनामा त्रिवि शिक्षण अस्पतालमा अन्तरक्रियात्मक छलफल कार्यक्रम सम्पन्न भएको हो । जसमा विभिन्न अस्पतालबाट आएका बालरोग विशेषज्ञ तथा चिकित्सकलाई आँखा विषेशज्ञद्धारा यो रोग कसरी छिटो पत्ता लगाउने र उपचारको लागि जतिसक्दो छिटो अस्पतालमा कसरी पठाउने भन्नेबारेमा जानकारी प्रदान गरेका थिए ।

कार्यक्रममा रेटिनोब्लास्टोमा रोगबाट मुक्त भईसकेकाहरुको पनि सहभागीता रहेको थियो।

रेटिनोब्लास्टोमा सम्बन्धी जनचेतना फैलाउने उद्देश्यले यहि वैशाख २५ देखि ३१ गतेसम्म सचेतना सप्ताह मनाइरहिएको छ । सचेतना साताभरी नै आँखामा क्यान्सर भएका बालबालिकाहरुको निःशुल्क जाँच तथा उपचार गरिने आयोजकले जनाएका छन्।