२५ बैशाख २०७९ , आइतवार

कोरोनाको जोखिम कायमै रहेकाले निर्वाचनका बेलामा पनि जनस्वास्थ्यका मापदण्ड पालना गर्न नभुलौं : स्वास्थ्य मन्त्रालय

हेल्थ टिभी अनलाइन \काठमाडौं : नेपालमा यही वैशाख ३० गते स्थानीय तहको निर्वाचन हुँदैछ । निर्वाचन नजिकिंदै गर्दा विभिन्न दलका सभा, जुलुस, र्याली, घरदैलो जस्ता कार्यक्रम भइरहेका छन् ।

यही क्रममा धेरैले काेराेनाकाे जाेखिम वेवास्ता गर्दै मास्क नलगाउने तथा दूरी पनि कायम नगरेको देखिन्छ । यही बेला स्वास्थ्य तथा जनसंख्या मन्त्रालयले कोभिड १९ को जोखिम अहिले पनि कायमै भएकाले चुनावका बेला कोभिडबाट बच्न जनस्वास्थ्यका सम्पूर्ण मापदण्ड पालना गर्न सबैलाई आग्रह गरेको छ । मन्त्रालयले निर्वाचनको तयारी गर्दै गर्दा कोभिड १९ को जोखिमलाई पनि ध्यानमा राख्न आग्रह गरेको हो ।

मन्त्रालयले यदि कसैले कोरोना विरुद्धको खोप नलगाएको भए आफनो नजिकैको स्वास्थ्य संस्थामा गएर कोरोना खोप लगाउन पनि आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।