स्वास्थ्यका कर्मचारीलाई पनि दुई दिन बिदा
हेल्थ टिभी अनलाइन \काठमाडौं : जेठ १ गतेदेखि सरकारी अस्पताल तथा स्वास्थ्य संस्थामा आइतबार पनि बिदा हुने भएको छ । स्वास्थ्य तथा जनसंख्या मन्त्रालयले सरोकारवालाहरुसँग छलफल गरेपछि तत्कालका लागि मन्त्रिपरिषदको निर्णय कार्यान्वयन हुने गरी शनिबार र आइतबार दुई दिन नै सार्वजनिक बिदा दिने निर्णय गरेको हो ।
चिकित्सक तथा स्वास्थ्यकर्मीले अन्य कर्मचारीलाई दुई दिन बिदा दिंदा स्वास्थ्यका कर्मचारीलाई विभेद गरेको भन्दै विरोध जनाएपछि मन्त्रालयले छलफल चलाएको थियो । सो छलफल पछि मन्त्रालयका सह प्रवक्ता डा समिरकुमार अधिकारीले अहिलेलाई मन्त्रिपरिषद्ले गरेको निर्णय नै कार्यान्वयन गर्ने कुरा भएको जनाए । उनले अर्को निर्णय नहुँदासम्म अब अस्पतालहरुमा शनिबार र आइतबार दुई दिन इमरजेन्सी बाहेकका सेवा बन्द रहने जनाए ।
स्वास्थ्य सचिव डा रोशन पोखरेलको अध्यक्षतामा बिहीबार मन्त्रालयको हलमा बसेको बैठकमा स्वास्थ्य सेवा विभागका महानिर्देशक, मन्त्रालयका विभिन्न महाशाखाका प्रमुखहरु, स्वास्थ्यका विभिन्न ट्रेड युनियन, पेशागत संघ संगठनका पदाधिकारी, अस्पतालका निर्देशकहरुको सहभागिता रहेकाे थियो ।
‘क्षयरोगको उपचारसँगै पोषणमा पनि ध्यान दिन जरुरी हुन्छ’
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर