१४ बैशाख २०७९ , बुधबार

मदन भण्डारी स्वास्थ्य विज्ञान प्रतिष्ठानका उपकुलपति प्राडा जोशी निलम्बित

हेल्थ टिभी अनलाइन \काठमाडौं : मदन भण्डारी स्वास्थ्य विज्ञान प्रतिष्ठानका उपकुलपति प्राडा विश्वराज जोशी निलम्बनमा परेका छन्। बागमती प्रदेशका मुख्यमन्त्री एवम प्रतिष्ठानका कुलपति राजेन्द्र पाण्डेले प्राडा जोशीलाई निलम्बन गरेका हुन्।

प्रतिष्ठानका ५ जना सिनेट सदस्यहरुले डा जोशीले आफनो पदीय दायित्व निर्वाह नगरेको भन्दै मुख्य मन्त्री कार्यालयमा निवेदन दिएका थिए। सोही उजुरी अनुसार उनलाई निलम्बन गरिएको हो ।

प्रतिष्ठानका उपकुलपति निलम्बनमा परेपछि प्रतिष्ठानका निमित्त उपकुलपतिको जिम्मेवारी बरियता क्रमको आधारमा रेक्टर डा सतिश देवलाई दिइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।