पीसीआर प्रयोगशालाहरुद्धारा पोस्टर प्रस्तुतीकरण
हेल्थ टिभी अनलाइन \काठमाडौं : कोरोना महामारीका बेला कोरोना परीक्षण गर्ने नेपालका सरकारी तथा निजी प्रयोगशालाहरूले कसरी काम गरे र चुनौती के कस्ता रहे भन्ने विषयमा केन्द्रित रहेर एक दिने कार्यक्रम सम्पन्न भएको छ । राष्ट्रिय जनस्वास्थ्य प्रयोगशाला टेकुले उक्त कार्यक्रमको आयोजना गरेको हो । कार्यक्रममा कोरोना महामारीका बेला पीसीआर परीक्षण गर्ने क्रममा प्राप्त गरेका अनुभव समेटेर पोस्टर प्रदर्शनी समेत गरिएको छ ।
कार्यक्रमको उदघाटन गर्दै स्वास्थ्य तथा जनसंख्या राज्यमन्त्री भवानीप्रसाद खापुङले प्रयोगशालाको महत्व पहिलेदेखि भए पनि कोभिड महामारीमा अझै यसको आवश्यकता कति छ भन्ने कुरा छर्लगं बनाएको जनाए । उनले राष्ट्रिय जनस्वास्थ्य प्रयोगशालाकी प्रमुख डा रुणा झा सहित सम्पूर्ण स्टाफले कोरोना महामारीका बेला रातदिन नभनी काम गरेको भन्दै खुलेरै प्रशंसा समेत गरे ।
प्रयोगशालाका सूचना अधिकारी राजेश गुप्ताले पोस्टरमा कोभिडको समयमा कसरी काम गरियो, कस्ता प्रविधिको प्रयोग भयो, यो बेला के कस्ता कठिनाइ र चुनौती भोग्नु पर्यो अब परीक्षणलाई निरन्तरता कसरी दिने भन्ने लगायतका विषयमा खुलाइएको जानकारी दिए ।
कोरोना महामारीपछि नेपालमा प्रयोगशालाको क्षेत्रमा निकै विकास भएको र नयाँ नयाँ प्रविधि भित्रिएको सहभागीहरूले जनाए ।
नेपालमा हाल निजी तथा सरकारी गरी १०५ वटा पीसीआर प्रयोगशाला सञ्चालन भइरहेका छन्।
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन