५ बैशाख २०७९ , सोमवार

बैशाख ६ र ७ गते बालबालिकालाई ‘भिटामिन ए’ र जुकाको औषधि खुवाइँदै

हेल्थ टिभी अनलाइन \काठमाडौं : सरकारले देशव्यापी रुपमा यही वैशाख ६ र ७ गते बालबालिकालाई भिटामिन ए र जुकाको औषधि खुवाउने कार्यक्रम तय गरेकोे छ ।

राष्ट्रिय भिटामिन ए कार्यक्रम अन्तर्गत सरकारले ६ महिनादेखि ५९ महिनासम्मका बालबालिकालाई भिटामिन ए र जुकाको औषधि खुवाउन लागेको हो । स्वास्थ्य तथा जनसंख्या मन्त्रालयले कार्यक्रमको तालिका सार्वजनिक गर्दै तोकिएको मितिमा आफना बालबालिकालाई नजिकको स्वास्थ्य संस्थामा गई भिटामिन ए खुवाउन आग्रह गरेको हो ।

यसका साथै कोभिड संक्रमणबाट बच्न जनस्वास्थ्यका मापदण्ड पालना गर्न समेत आग्रह गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।