हेल्थ टिभी अनलाइन \जनकपुरधाम : जनकपुरधाममा विश्वस्तरीय सुविधा सम्पन्न क्यान्सर अस्पताल बन्ने भएको छ । विनयतारा फाउण्डेसनले मधेश प्रदेशको राजधानी जकपुरधाममा २ सय बेडको क्यान्सर अस्पताल संचालन गर्न लागेको हो । उक्त क्यान्सर अस्पतालको लागि भवनको शिलान्यास समेत शुक्रवार गरिएको छ ।

विनयतारा ट्रष्टले चार वर्षदेखि जनकपुरमा २५ शैयाको अस्पताल चलाउदै आएको छ । ट्रष्टका प्रमुख विनयकुमार साहले क्यान्सरका अस्पताल काठमाडौं उपत्यकामा मात्र केन्द्रित रहेको भन्दै मधेश प्रदेशमा पनि अस्पताल हुनुपर्ने भनेर सुरुमा २५शैयाको अस्पताल संचालन गरे । तर अहिले विरामीको चाप बढेकोले पनि अस्पतालको सेवा विस्तार गरेको उनले बताए ।

अस्पतालको भवन निर्माणका लागि समाजसेवी विनोद ठाकुरले दस कठ्ठा जग्गा दान गरेका छन् । कुल ४ विघामा अस्पताल बन्न लागेको हो ।
बिटिएफसिसीले प्रतिवर्ष लगभग २५ हजार बिरामीलाई सेवा दिने लक्ष्य राखिएको छ । हाल जनकपुरधाममा बिटिएफसिसीको २५ शैयाको अस्पताल सञ्चालनमा रहेको छ । डा.शाहले यो दक्षिण एशियाकै आधुनिक अस्पतालका रुपमा स्थापित हुने दाबी गरे । सन् २०२५ सम्ममा अस्पतालको निर्माण सम्पन्न हुने योजना रहेको फाउण्डेशनले जनाएको छ ।