२ बैशाख २०७९ , शुक्रबार

नेपालमा सक्रिय संक्रमितको संख्या ५ सयभन्दा कम

काठमाडौंमा ५४ सक्रिय संक्रमित

हेल्थ टिभी अनलाइन \काठमाडौं : नेपालमा सक्रिय कोरोना संक्रमितको संख्या ५ सयभन्दा कममा झरेको छ ।

स्वास्थ्य तथा जनसंख्या मन्त्रालयका अनुसार अहिले देशभर जम्मा ४७९ जना मात्र सक्रिय संक्रमित होम तथा संस्थागत आइसोलेसनमा रहेका छन्। हालसम्म नेपालमा ११ हजार ९५१ जनाको कोरोनाबाट मृत्यु भएको छ भने ९ लाख ६६ हजार २०४ जना निको भएका छन्।

मन्त्रालयका अनुसार सक्रिय संक्रमितमध्ये काठमाडौंमा ५४ जना, ललितपुरमा ४३ जना र भक्तपुरमा २ जना रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।