Health TV Online
Health TV Online

देशभरका स्वास्थ्य वैज्ञानिक काठमाडौंमा भेला

देशभरका स्वास्थ्य वैज्ञानिक काठमाडौंमा भेला

हेल्थ टिभी अनलाइन \काठमाडौं : देशभरका स्वास्थ्य तथा जनसंख्या वैज्ञानिकहरु काठमाडौंमा भेला भएका छन्। नेपाल स्वास्थ्य अनुसन्धान परिषद्ले अयोजना गरेको तीन दिने आठौं स्वास्थ्य तथा जनसंख्या वैज्ञानिकको शिखर सम्मेलनका लागि उनीहरु काठमाडौंमा भेला भएका हुन्।

आइतबारदेखि सुरु भएको सम्मेलन मंगलबारसम्म चल्नेछ । सम्मेलनको उद्घाटन आज बागमती प्रदेशका मुख्य मन्त्री राजेन्द्र पाण्डेले गरेका हुन् । उनले सम्मेलनको उद्घाटन गर्दै बागमती प्रदेश सरकार स्वास्थ्य अनुसन्धानमा लगानी बढाउन तयार रहेको र त्यसका लागि कहाँ कसरी गर्ने भन्ने विषयमा छलफलमा आउन आग्रह गरे ।

सम्मेलनमा परिषद्का कार्यकारी प्रमुख डा प्रदिप ज्ञवालीले सम्मेलनको आवश्यकता र महत्वकोबारेमा जानकारी गराएका थिए । उनले स्वास्थ्यमा अनुसन्धान गर्नेहरुका लागि सम्मेलन ठूलो मेला रहेको र यसले नयाँ रिसर्चमा आउन चाहनेलाई पनि मोटिभेसन हुने र सरकारलाई यहींबाट आएका अनुसन्धानले नीति तथा कार्यक्रम बनाउन सजिलो हुने जनाए ।

सम्मेलनमा कोभिड १९, मानसिक स्वास्थ्य, स्वास्थ्य नीति, नसर्ने रोग, औषधि लगायतका विविध विषयमा प्रस्तुतीकरण रहेको थियो । सम्मेलन भोलिसम्म चल्नेछ ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार