हेल्थ टिभी अनलाइन \काठमाडौं : नेपाल मानव आधिकार संगठन काठमाडौं महानगरपालिका वडा नं १३ को संयोजन तथा स्पार्क हेल्थ होम अस्पताल तथा स्पार्क पोलिक्लिनिको संयुक्त आयोजनामा शनिबार नि:शुल्क स्वास्थ्य शिविर सम्पन्न भएको छ ।

शिविरमा सामान्य चिकित्सा तर्फ डा प्रकाश श्रेष्ठको नेतृत्वमा ११० जनाले सेवा लिए भने हाडजोर्नी तथा नशा एवम फिजियोथेरापी तर्फ डा अनिलकुमार महतोको नेतृत्वमा ८५ जना र डा प्रतिमा धमलाको नेतृत्वमा ८० जनाले दाँत तथा मुखको जाँच गरी जम्मा २७५ जनाले नि:शुल्क शिविरबाट स्वास्थ्य सेवा लिएको स्पार्क अस्पतालका निर्देशक रुपेश अधिकारीले जानकारी दिए ।

शिविरमा चिकित्सकहरुको सिफारिसमा भिडियो एक्सरे, सुगर जाँच तथा यूरिक एसिडको समेत जाँच गरिएको थियो ।