हेल्थ टिभी अनलाइन \काठमाडौं : नेपालमा हाल सक्रिय कोरोना संक्रमितको संख्या एक हजारभन्दा कममा झरेको छ । पछिल्लो दुई महिनायता कोरोना संक्रमण दर कम हुँदै आएर अब सक्रिय संक्रमित एक हजारभन्दा कम अर्थात ९ सय ४२ मा झरेको स्वास्थ्य तथा जनसंख्या मन्त्रालयले जनाएको छ ।

यसैगरी अहिले १५ जिल्ला कोरोना संक्रमणमुक्त भएका छन् भने संक्रमित भएका जिल्लामा पनि २ सय भन्दा कम संक्रमित रहेका छन्। अहिले रहेका संक्रमितमध्ये १६ जनाको आइसीयूमा र २ जनाको भेन्टिलेटरमा उपचार भइरहेको छ ।

कोरोना संक्रमण सुरु भएयता देशभर ११ हजार ९५१ जनाको कोरोना संक्रमणबाट मृत्यु भएको मन्त्रालयले जनाएको छ ।