१८ चैत्र २०७८ , शुक्रबार

पछिल्लो २४ घण्टामा २२ संक्रमित थपिए, ७५ जना संक्रमणमुक्त

हेल्थ टिभी अनलाइन \काठमाडौं : देशभर पछिल्लो २४ घण्टामा २२ जना मात्र नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा ३ हजार ८३५ जनाको नमुना परीक्षण गरिएकोमा २२ जनामा संक्रमण देखिएको हो ।

योसँगै ७५ जना संक्रमित निको भएका छन्। हाल देशभर १ हजार २२ जना सक्रिय संक्रमित आइसोलेसनमा रहेको मन्त्रालयले जनाएको छ । उनीहरुमध्ये ९७१ जना होम आइसोलेसनमा छन् भने ५१ जना संस्थागत आइसोलेसनमा रहेको जनाइएको छ । उता आइसीयूमा १३ र भेन्टिलेटरमा २ जना संक्रमितको उपचार भइरहेको छ ।

हालसम्म ११ हजार ९५१ जनाको कोरोना संक्रमणबाट मृत्यु भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।