हेल्थ टिभी अनलाइन \काठमाडौं : सरकारले गम्भीर रोग मिर्गौला, क्यान्सर र मेरुदण्ड पक्षघातका बिरामीलाई औषधी उपचार खर्चवापत मासिक रुपमा ५ हजार उपलब्ध गराउने कार्यविधि २०७८ स्वीकृत गरेको छ । चैत्र १३ गतेको मन्त्रीस्तरीय निर्णयबाट उक्त कार्यविधि स्वीकृत भएको हो।

उक्त कार्यविधि स्वीकृत भएसँगै अब मिर्गौला प्रत्यारोपण गरेका, नियमित डायलाइसिस गराइरहेका, क्यान्सर रोगी र मेरुदण्ड पक्षघात भएका बिरामीले औषधी उपचारबापत मासिक ५ हजार रुपैयाँ पाउने भएका छन्। स्वास्थ्य तथा जनसंख्या मन्त्रालयले उक्त कार्यविधि कार्यान्वयनका लागि ७५३ वटै स्थानीय सरकारलाई आग्रह गरेको छ।