अबदेखि टाइफाइड खोपलाई पनि नियमित खोप तालिकामा राखिने
हेल्थ टिभी अनलाइन \काठमाडौं : सरकारले यही चैत २५ गतेदेखि पहिलोपटक देशभरका बालबालिकालाई टाइफाइड खोप दिने भएको छ । चैत २५ देखि वैशाख १८ गतेसम्म देशभरका १५ महिनादेखि १५ वर्ष मूनिका सबै बालबालिकालाई टाइफाइड खोप दिन लागिएको स्वास्थ्य तथा जनसंख्या मन्त्रालयले जनाएको छ ।
पहिलोपटक सुरु हुन लागेको यो अभियान पश्चात भने नियमित खोप कार्यक्रममा समावेश गरिने मन्त्रालयले जनाएको छ । टाइफाइड ज्वरो ज्यानै जोखिममा पार्न सक्ने एक संक्रामक रोग हो । ढल वा संक्रमित व्यक्तिको दिसामा पाइने टाइफाइड रोगको जिवाणु स्वस्थ व्यक्तिमा दुषित खाना वा पानीको माध्यमबाट सर्दछ । यो रोग सबै उमेर समूहको व्यक्तिमा लागेको पाइएता पनि विशेष गरी १५ वर्ष मूनिका बालबालिकामा धेरै हुने गरेको पाइएको छ । साेही टाइफाइड रोगबाट बचाउन सरकारले यही चैत २५ देखि वैशाख १८ गतेसमम खोप अभियान सञ्चालन गर्दैछ ।
खोप लगाउनुका साथै टाइफाइड जस्ता पानीजन्य संक्रामक रोगबाट बच्नका लागि पानीलाई उमालेर वा फिल्टर गरेर मात्र पिउन र खाना खानुअघि राम्ररी हातको सरसफाई गर्न मन्त्रालयले आग्रह गरेको छ ।टाइफाइड खोप विद्यालय तथा खोप केन्द्रबाट बालबालिकालाई दिइनेछ ।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ