२ चैत्र २०७८ , बुधबार

लोकसेवाले खुलायो ३ सय नर्सका लागि स्थायी जागिरको अवसर

हेल्थ टिभी अनलाइन \काठमाडौं : लोक सेवा आयोगले नेपाल स्वास्थ्य सेवा, जनरल नर्सिङ समूहकाे पाँचौं तहका लागि ३ सय जना स्टाफ नर्सको स्थायी पदपूर्ति गर्न विज्ञापन गरेको छ । आयोगको मंगलबार बसेको बैठकले खुल्ला तथा समावेशी प्रतियोगिताबाट ३ सय जना नर्स स्थायी पदपूर्ति गर्नुपर्ने भन्दै विज्ञापन खुलाएको हो ।

सूचनामा मान्यता प्राप्त शिक्षण संस्थाबाट नर्सिङ विषयमा प्रमाणपत्र तह उत्तिर्ण गरेका नर्सले आयोगको अनलाइन दरखास्त प्रणालीमार्फत आवेदन दिनसक्ने जनाइएको छ ।

अनलाइन दरखास्त हाल्ने म्याद चैत २२ सम्म र दोब्बर दस्तुर तिरी दरखास्त हाल्ने म्याद २९ चैतसम्म तोकिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।