हेल्थ टिभी अनलाइन \काठमाडौं : नेपालमा कोरोना संक्रमण दर घटेर एक प्रतिशतभन्दा कम हुन आएको छ । गत २४ घण्टामा गरिएको परीक्षण मध्ये शुन्य दशमलब ९ प्रतिशतमा मात्र कोरोना संक्रमण पुष्टि भएको स्वास्थ्य तथा जनसंख्या मन्त्रालयकी प्रवक्ता डा संगीता मिश्र बताउँछिन्।

देशभर पछिल्लो २४ घण्टामा ६५ जना मात्र नयाँ कोरोना संक्रमित थपिएका छन्। मन्त्रालयका अनुसार गत २४ घण्टामा ७ हजार ९४७ जनाको नमुना परीक्षण गरिएकोमा ६५ जनामा मात्र कोरोना संक्रमण पुष्टि भएको हाे । यो भनेको संक्रमण दर शुन्य दशमलब ९ प्रतिशत हुन आउँछ । गत साताको तुलनामा कोरोना संक्रमण दर एक प्रतिशतबाट पनि घटेर शुन्य दशमलब ९ प्रतिशतमा आएको उनको भनाई छ ।

उनका अनुसार गत २४ घण्टामा ८८ हजार ४८८ जनाले कोरोना विरुद्धको खोप लगाएका छन् भने आज पनि कोरोनाबाट हुने मृत्यु शुन्य रहेको छ । यसैगरी १९२ जना भने कोरोनामुक्त भएर डिस्चार्ज भएका छन्। अहिले देशभर ४ हजार ९१७ जना सक्रिय संक्रमित होम तथा संस्थागत आइसोलेसनमा रहेका छन्।