हेल्थ टिभी अनलाइन \काठमाडौं : देशभर पछिल्लो २४ घण्टामा ७३ जना नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा ५ हजार ६२ जनाको नमुना परीक्षण गरिएकोमा ७३ जनामा कोरोना पुष्टि भएको हो ।

यसैगरी आज १९२ जना कोरोना संक्रमित संक्रमणमुक्त भएका छन्। अहिले देशभर ५ हजार ५० जना सक्रिय संक्रमित रहेका छन्। मन्त्रालयका अनुसार गत २४ घण्टामा एक लाख एक हजार ३०४ जनाले कोरोना विरुद्धको खोप लगाएका छन्। नेपालमा कोरोना संक्रमण भएर निको हुने दर ९८ दशमलब ३ प्रतिशत रहेको छ ।

अहिले पनि देशका विभिन्न स्थानमा रहेको क्वारेन्टाइनमा १०६ जना रहेका छन्। अहिले देशभर ४० जना कोरोना संक्रमितको आइसीयूमा र ६ जनाको भेन्टिलेटरमा उपचार भइरहेको छ ।