२८ फाल्गुन २०७८ , शनिबार

खोप लगाएका र लक्षण नदेखिएकालाई पीसीआर परीक्षण नगर्नु : स्वास्थ्य मन्त्रालय

हेल्थ टिभी अनलाइन \काठमाडौं : सरकारले कोरोना विरुद्धको पूर्ण खोप लगाएका र लक्षण नदेखिएका व्यक्तिहरुलाई पीसीआर परीक्षण नगर्न निर्देशन दिएको छ ।

स्वास्थ्य तथा जनसंख्या मन्त्रालयले शुक्रबार एक विज्ञप्ति जारी गर्दै कोभिड १९ संक्रमणको कुनै पनि लक्षण नदेखिएका र पूर्ण खोप लगाएका व्यक्तिहरुलाई पीसीआर परीक्षण अनिवार्य नगर्न सम्बन्धित स्वास्थ्य संस्था तथा अस्पतालहरुलाई निर्देशन दिएको हो ।

यसअघि सबै अस्पतालहरुले कुनै पनि शल्यक्रिया गर्नुअघि कोभिड भए नभएको जाँच गर्न पीसीआर परीक्षण अनिवार्य गर्दै आएका थिए । अब भने यो निर्णय पश्चात पूर्ण खोप लगाएका र कोभिडसम्बन्धित लक्षण नदेखिएका व्यक्तिलाई पीसीआर परीक्षण गर्न नपर्ने भएको छ ।

कोरोना संक्रमण घट्दै गएपछि सरकारले यसअघि जारी गरका कोरोना रोकथामका मापदण्डहरु पनि हटाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।