२७ फाल्गुन २०७८ , शुक्रबार

थप ७७ जनामा कोरोना संक्रमण, एक जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर ७७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ७ हजार ९८१ जनाको नमुना परीक्षण गरिएकोमा ७७ जनामा कोरोना संक्रमण पुष्टि भएको हो ।

यसैगरी आज थप एक जनाको मृत्यु भएको छ । योसँगै कोरोना संक्रमण भएर ज्यान गुमाउनको संख्या ११ हजार ९५० पुगेको छ । उता १८९ जना संक्रमित संक्रमणमुक्त भएका छन् भने एक लाख २६ हजार १९६ जनाले कोरोना विरुद्धको खोप लगाएका छन्।

अहिले देशभर ५ हजार २१२ जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।