१७ फाल्गुन २०७८ , मङ्लबार

१५८ नयाँ संक्रमित थपिए, २ जनाको मृत्यु

हेल्थ टिभी अनलाइन \काठमाडौं : देशभर पछिल्लो २४ घण्टामा १५८ जना नयाँ कोरोना संक्रमित थपिएका छन्। स्वाथ्य तथा जनसंख्या मन्त्रालयका अनुसार गत २४ घण्टामा ६ हजार ५०४ जनाको नमुना परीक्षण गरेकोमा १५८ जनामा संक्रमण पुष्टि भएको हो ।

यसैगरी आज २ जना कोरोना संक्रमितको मृत्यु भएको छ । आज मृत्यु भएकासहित गरी देशभर कोरोनाबाट मृत्यु हुनेको संख्या ११ हजार ९३८ पुगेको छ ।

उता देशभर अहिले ७ हजार ९७१ जना मात्र सक्रिय संक्रमित रहेका छन्। उनीहरुमध्ये ७ हजार ७७३ जना होम आइसोलेसनमा छन् भने १९८ जना मात्र संस्थागत आइसोलेसनमा रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।