Health TV Online
Health TV Online

शिवरात्रीमा पशुपति दर्शन गर्न आउनेलाई मास्क अनिवार्य

शिवरात्रीमा पशुपति दर्शन गर्न आउनेलाई मास्क अनिवार्य

हेल्थ टिभी अनलाइन \काठमाडौं : यसपटक महाशिवरात्रीमा पशुपतिनाथ मन्दिरको दर्शन गर्न आउनेलाई मास्क अनिवार्य गरिएको छ । कोरोना संक्रमणको जोखिम कायमै रहेकाले दर्शन गर्न आउने सबै भक्तजनलाई मास्क र सेनिटाइजरको प्रयोग अनिवार्य गरिएको पशुपति क्षेत्र विकास कोषका सदस्य तथा मेला व्यवस्थापन समितिका संयोजक पूर्णसङ्गम जेठाराले बताए।

उनले मंगलबार हुने महाशिवरात्रिमा पशुपतिनाथ मन्दिरमा दर्शनार्थीको घुइँचो लाग्ने तथा भीड बढ्ने कारण कोरोना भाइरसको संक्रमणको जोखिम बढ्ने भएकाले मास्क र स्यानिटाइजरलाई अनिवार्य गरिएको बताए। मास्कको प्रयोग नगर्ने भक्तजनलाई मन्दिर प्रवेश गर्न नदिइने समेत उनले जिकीर गरे ।

यसअघि २ वर्षसम्म कोरोनाको उच्च जोखिमका कारण शिजरात्रीका दिन सर्वसाधारणका लागि मन्दिर खुला गरिएको थिएन । यसपटक संक्रमण दर घटेपछि सबैका लागि मन्दिर खुला गरिएको हो । त्यसैले पनि यसपटक बढी भिडभाड हुने अनुमान गरिएको छ । रासस

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार