१६ फाल्गुन २०७८ , सोमवार

१८० संक्रमित थपिंदा ४ सय जना संक्रमणमुक्त

हेल्थ टिभी अनलाइन \काठमाडौं : देशभर १८० कोरोना संक्रमित थपिंदा ४ सय जना संक्रमित संक्रमणमुक्त भएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा ८ हजार ३४१ जनाको नमुना परीक्षण गरेकोमा १८० जनामा संक्रमण पुष्टि भएको हो । यसैगरी पछिल्लो २४ घण्टामा १ लाख ४१ हजार १२१ जनाले कोरोना विरुद्धको खोप लगाएका छन्। केही समय यता कोरोना संक्रमण दर घटेर एक प्रतिशतभन्दा कममा झरेका मन्त्रालयले जनाएको छ ।

आज एक जना कोरोना संक्रमितको मृत्यु भएको छ । योसँगै देशभर कोरोना संक्रमण भएर मृत्यु हुनेको संख्या ११ हजार ९३६ पुगेको छ । अहिले सक्रिय संक्रमित जम्मा ८ हजार २३५ जना रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।