१३ फाल्गुन २०७८ , शुक्रबार

वैदेशिक रोजगारीमा जाने कामदारका लागि पीसीआर परीक्षण नि:शुल्क

हेल्थ टिभी अनलाइन \काठमाडौं : सरकारले वैदेशिक रोजगारीमा जाने कामदारहरुका लागि पीसीआर परीक्षण नि:शुल्क गर्ने भएको छ । शुक्रबार स्वास्थ्य तथा जनसंख्या मन्त्री विरोध खतिवडाले मन्त्रीस्तरीय निर्णय गर्दै वैदेशिक रोजगारीमा जाने कामदारका लागि नि:शुल्क पीसीआर परीक्षणको व्यवस्था गरेका हुन्।

यसअघि वैदेशिक रोजगारीमा जानेले काेराेना संक्रमण भए नभएको पत्ता लगाउन गरिने पीसीआर परीक्षण आफैले शुल्क तिरेर गर्नुपर्दथ्यो । अहिलेलाई सरकारी अस्पतालहरु शुक्रराज ट्रपिकल तथा सरुवा रोग अस्पताल, वीर अस्पताल र राष्ट्रिय जनस्वास्थ्य प्रयोगशाला मार्फत यो सेवा दिइने मन्त्रालयले जनाएको छ ।

नि:शुल्क पीसीआर परीक्षणका लागि वैदेशिक रोजगारीमा जाने निश्चित भएको कागजातहरु भने पेश गर्नुपर्नेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।