हेल्थ टिभी अनलाइन \काठमाडौं : देशभर पछिल्लो २४ घण्टामा २६२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ८१५ जनाको नमुना परीक्षण गरेकोमा २६२ जनामा कोरोना पुष्टि भएको हो ।

यसैगरी १३ सय ३८ जना संक्रमित संक्रमणमुक्त भएका छन् भने ४ जना संक्रमितको मृत्यु भएको छ । नेपालमा कोरोना संक्रमण दर घटेर ६ दशमलब ४ प्रतिशतमा पुगेको मन्त्रालयकी प्रवक्ता डा संगीता मिश्राले जनाएकी छिन्। उनले संक्रमण दर कम भए पनि जोखिम भने कायमै रहेको भन्दै सबैलाई जनस्वास्थ्यका मापदण्ड पालना गर्न आग्रह गरिन्।

हाल देशभर १२ हजार २४४ जना मात्र सक्रिय संक्रमित आइसोलेसनमा रहेका छन्।