८ चैत्र २०७७ , आइतवार

भारतमा फेरी बढ्दै कोरोना संक्रमण, एकैदिन देखिए झण्डै ४४ हजार संक्रमित

हेल्थ टिभी अनलाइन \काठमाडौं : भारतमा फेरी एकपटक कोरोना संक्रमण बढ्न थालेको छ । त्यहाँको केन्द्रिय स्वास्थ्य मन्त्रालयका अनुसार गत २४ घण्टामा झण्डै ४४ हजार संक्रमित थपिएको जनाएको छ । यसैगरी एकैदिन १९७ जनाको कोरोना संक्रमण भएर मृत्यु भएको छ ।

यो संख्या ३ ४ महिना यताकै उच्च भएको समेत मन्त्रालयले जनाएको छ । भारतमा केही समय कोरोना संक्रमण कम हुँदै गएको भए पनि अहिले एक सातादेखि फेरी संक्रमण दर बढ्दै गएको पाइन्छ । भारत सरकारले कोरोना संक्रमण बढ्दै गएपनि केही स्थानहरुमा लकडाउन एवं नाइट कफ्र्यु समेत जारी गरेको छ ।

महाराष्ट, भोपाल, दिल्ली,इंदोर लगायतका शहरहरुमा संक्रमित बढी फेला परेका हुन्। भारतमा संक्रमण बढ्दै जाँदा खुला सिमानाका कारण नेपालमा पनि जोखिम हुने खतरा रहेको विज्ञहरुले बताउँदै आएका छन्।