२६ माघ २०७७ , सोमवार

पत्रकारलाई आजबाट कोरोना विरुद्धको खोप, सूचना विभागको कार्ड अनिवार्य गर्दा धेरै जना खोप लिनबाट वञ्चित

हेल्थ टिभी अनलाइन \काठमाडौं : नेपालमा पत्रकारलाई कोरोना विरुद्धको खोप आजबाट दिन शुरु गरिएको छ ।

बिहान १० बजेदेखि मिनभवनस्थित सिभिल अस्पतालमा खोप लगाउने व्यवस्था गरिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जनाएका छन्।

सरकारले कोरोना खोपका लागि सूचना विभागको कार्ड अनिवार्य गरेपछि धेरै पत्रकार खोप नलगाई फर्किन बाध्य भएका छन्। देशभरका ठूला मिडिया लगायतका धेरै मिडिया हाउसमा पत्रकारलाई न्यूनतत पारिश्रमिक नदिएका कारण सूचना विभागबाट धेरैले कार्ड लिन पाएका छैनन्।

सरकारले पहिलो चरणको खोप स्वास्थ्यकर्मी लगायत ४ लाख ३० हजार जनालाई लगाउने भनेको भए पनि आधा भन्दा कमले खोप लिएपछि बाँकी रहेको खोप पत्रकार र कुटनीतिक नियोगका कर्मचारीलाई दिने निर्णय गरेको हो । आजबाट शुरु भएको खोप ५ दिनसम्म चल्नेछ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।