हेल्थ टिभी अनलाइन \काठमाडौं : नेपालमा पछिल्लो २४ घण्टामा थप २६ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा थप २६ जनाको कोरोना संक्रमणबाट मृत्यु भएको हो । योसँगै नेपालमा हालसम्म कोरोनाबाट मृत्यु हुनेको संख्या ७९१ पुगेको छ ।

आज देशभर ५ हजार ७४३ संक्रमित थपिएसँगै नेपालमा कुल कोरोना संक्रमितको संख्या १ लाख ४४ हजार ८७२ पुगेको मन्त्रालयले जनाएको छ । हाल देशभर सक्रिय संक्रमितको संख्या ४४ हजार ४७६ रहेको छ ।